Schwoba-Eckle

ebbes schwäbisch


Nach dem Brezgavesper

Dao henna, dao isch nemme schea!
Send dao henna Henna gwea?
Wenn dao henna Henna henna gwea send,
Nao wondert mii gar nex mea am End'.
Denn send amaol Henna dao henna,
Wurd ma von deane Henna dao henna
Nex anders erwarta kenna.
(Das Stück von den 16 Hühnern)

Doch weil dao henna koine Henna henna gwea send
Dao wondret mii dees doch am End',
Weil außer osrem Enkelkend,
Dao henna koine Henna henna gwea send.
Wer hat da Dreck g'macht nao am End'?
Sicher oser Enkelkend.
Doch dees isch älles gar et schlemm,
Wenn i jetzt da Sauger nemm,
Send dia Bräsele schnell weg,
Ond dui Maschee erfüllt sein Zweck.

Letzte Änderung: durch