 |
ebbes schwäbisch |
Herbschtliadle |
|---|
| Freund, wann d Schnaoka geiget ra ond rauf en d Höah, dao därrscht gwiß drauf ganga, nao wurd s Wetter schöa. Aber wann am Aobed glüaht dr Heammel roat, send am andra Morga viele Bleamla doat. Sell därrscht net vrgessa: Wann a Reifa fällt - älles ischt vrgänglich auf dr schöana Welt. Zwar blüaht noh a Rösle seil em Busch ond lacht, ond du witt dr s brocka, weil de s glücklich macht. Aber laß dees bleiba! Schick de en dui Zeit! Wann maol d Neabel steiget, ischt dr Schnea net weit. Brockscht du aber trotzdeam s kloine Rösle a', fallet grad wia Träna roate Blättla ra... ... aus dem Buch "Grad so isch" von Rudolf Weit. |
Archiv: November ´s Kenderfescht Urlaub Em Auguscht Brezgavesper Herbschtliadle Hoimet Dr Portier
Letzte Änderung:
durch 