In der Früah, do wusselts zum Dor bloss so rei,
A jeder, jede möchts erste halt sai,
Dr Oi kommt mit dm Auto, de andre Zfuss,
Ond fast a jeder dankt für mein Gruss,
Bloss a paar Sture, dia gucket in Dreck,
Macht nix, i guck halt au nochher weg.

Und dann, dann kommet d`Herra derher,
Mit em Aktenkofferl, leicht oder schwer,
Gschniegelt ond biegelt, wie sichs halt ghert,
Damit du au glei siehst, was a jeder isch wert.
D`Sekretärinna wechselt fast jeda Tag sKloid,
Dass Chefs au hand a bissle a fraid.

Was da vorbeizieht den ganze Dag,
A Philosoph kennst da werde, ohne plag.

Gschandene Mannsbilder und junge Leit,
Mit am bissle Bärtle für dMännlichkeit,
Und Fraua sind bei ohs halt des Gross,
Vo Hoidna, Bohla und wer wois wo.
Jonge und Alte, schwaarz oder grau,
Blonde ond bloichte und fuchsige au.
Mit de Ärschle wacklet de ganz jonge, weil...
Ma sieht dees halt au, und denkt sich sein Toil.

Und wenn`s sonst no so fleissig au send,
Akkord grad schaffet als wia dr Wend,
Zum stemple gohts emmer ganz schnell, schwubdiwum,
Schost aber laufe`ze im ersten Gang romm.

Ohne "Fabrikgang" hemm mr scho au no a paar,
A langer Dokter und dr. R..hold, fürwohr,
Dia ganget emmer eiligen Schritts,
Dass s`ja au nergets gibt s Fehler ond Schnitz.

Aber älle miteinand
Ob Deutsch, Türk oder woiss Gott woher,
A nette Gmoindschaft isch`s, was weller ma no mehr.