Kartoffel send Nachtschattag`wächs
von dene mir ons ernähred.
Dr Robin soll bis morga wissa,
zu was dia Zwiebla g`höred.
D`Muader schüttelt blos da Kopf,
dr Vater woiß au et Bescheid.
"Er soll da Opa fraga,
der duat doch emmer so gescheit."
Der Senior kratzt sich henterm Ohr
ond sait zom Schualerbua:
"Zwiebla g`hörend, des ischt klar
beim Rostbrata dazua!"
aus: "Humor ka au luschdig sei" von Walter Hungerbühler